أوراس نغ

(ثاقيارث ذ لجول) “العذراء والوحش”: TIGHEZZA IFERRAJ

قصص وقصائد أمازيغية

الباحث والمؤلف والمهتم باللغة والتراث الامازيغي “اسماعيل عقون”

 Amezruy di tikli ussan am uâedjaj

 mmektit ayimezzyanen Tighezza Iferraj

 ammas n tgemmi n Aytmlul jaj

 n tayedwin yerghin am igernaj

 d nnettat d azwer u d afedjaj

 n tegrawla n 54 yessikin imezzaj

 igin yudan s ubukari d umedraj

 weâsa ad qqimen d ilelliyen s iâerraj

 ixfawen deg ujenna ufus s umedraj

 ur fellent tmaffagin, ur nuc nettderraj

 necreh u arumi d asehhaj

 ass-a 64 iseggwasen, âeddan f Tghezza Iferraj

 lettettut ayimezzyanen, bbit ahraj

 tamurt-nnegh nedjull ur tettwadj

 tilelli-nnegh tusi-d s idammen n ayt bab iâerraj

 A TIGHEZZA IFERRAJ

 tablidt n AytMlul yeskan seg uferraj

 trekkeh d tamzirt iyijuraf d iferraj

 A TI£GHEZZA IFERRAJ ! A TIGHEZZA IFERRAJ !

 TAQIYART D LJUL

 d tametcukt atella d tametcukt … …

 izedjigen ulili deg ufus

 di taggayin ahjam d aziza yedrus

 alemdil azeggwagh f timmi yuss

 yezda yekres s wadus

 d tametcukt atella d tametcukt… …

 di tsusmi tella teggam

 s tarjayin tizwawwaghin teswangam

 acrahen tetteffer di-sen d ijumam

 TADULT T’TIMM… … …

 d tametcukt atella d tametcukt… …

 si baba-s gher dadda-s d yelli-s n Wawras

 ur tessin tqujlett n tnesnas

 negh d awanen n tzeyli d werwas

 ur tirid tagedwart n wesmezri amessas

 ur teâni iyellel aked ass

 ur tessudi di tmaffagt aked ass

 ur tudif tazizart aked ass

 ur tengwic di takat aked ass

 ur tenfil s icehhalen memmi-s n Wawras

 tayri-nnes deg wul am ugermas

 teqqaz tanezzayt d tgara n wass

 d tametcukt atella d tametcukt… …

 tettemghir, di tsusmi hatt teggam

themmel s tsusmi am ugwerram

 s tarjayin deg wemsamga adaram

 ur tetteffer acrahen n yila iyila inezgam

 d tametcukt atella d tametcukt… …

 si baba-s gher dadda-s d ult Mlul

 di tsusmi teggam ur teshudlul

 ur teârig di tittawin n ljul

 tecreh s tgumi-nnes nngad umeglul

 d tametcukt atella d tametcukt… …

 d tanezzayt n wass seg wussan

 tuki-d tetmeghghed tittawin n teddar s iseghwan

 welli aked qli, tizziz

 aylalen s tlawda deg iqeddah jnan

 idma ttrasen deg wammas tteglalan

 iserâaf n wulli mrawehen deg ijemdan

 d tametcukt atella d tametcukt… …

 anunu usuni yettebbi ul

 yettali-d s âiyac d wazzul

 UHIDA… … … …

 wenber ur yessemd amalas

 ljul iserser yejbed-ed agermas

 yessud f tfekka taleqqaght ad s-yebbi igusas

 uzzelen idammen igin aselyas

 ABEHHIZ YEHLAN… …

 izedjigen ulili udun d tikemsatin

 yudu ulemdil azeggwagh f tgherdin

 aserser yeqqaz deg wul n ljul amudin

 seg wehjam icennefen di taggayin

 d tametcukt atella d tametcukt… …

 iluff ljul f taggayt yuzi-tt

 layenni ahjam ameqqran am titt

 ay yellan f uferraj yenfed-itt

 nnuccegen waman seg wezru d tazeggwidt

 d tametcukt atella d tametcukt… …

 aserâuf n tedma jar wegdal d weddag

 iceddiben n wulli ttemciggwilen zdat wefrag

 aylal yettferfer…ur yettrag

 d tametcukt atella d tametcukt… …

 anilti acehhal yejred ajewwaq

 yerfed (LFUCI BUMESMAR ) ahellaq

 tisedwin giyebent deg ureqraq

 di twuna ur hwint ur yelli wesraq

 d tametcukt atella d tametcukt… …

 tisedwin ur ssinent lekkan aghennan

 ismawen ttemsedfaren s imunnan

 Äezza, Tighezza, Afurar ameqqran

 Takkra, Zawag, Innummer yenban

 d ismawen ttwassenen si zik llan

 u ass-a ttwattun ttura ad msan

 d tametcukt atella d tametcukt… …

 a tamurt-inu a tahgart-inu

 a tamurt idaddaten-inu

 tamezzyant a taferka-inu

 d tametcukt atella d tametcukt… …

 a yaxezmim n wemmekti ur yesnin

 a tadult ixeyyimen f wa ay yezrin

 had ggenfigh ca ssi-m a tazellaght ay-yewwin

 ad yeggenfa cc uxezmim ma iqerreh wa ay yettwazwin?

مقالات ذات صلة

زر الذهاب إلى الأعلى
إغلاق