أوراس نغ

قصص وقصائد أمازيغية: ءاسمزي ن وول (تصغير القلب)

الباحث والمؤلف والمهتم باللغة والتراث الامازيغي "اسماعيل عقون"

EMZI N WUL

Labas ay yeqqaren deg usehraru (tanfalit)-nnegh: “Bab n wul

ameqqran “weεsa ad nwellem amdan yehla nezzeh, d masin d

amessaruf (imesâeddi) ssya gher tizi yenban di tadiwin

(addaden) tiwehdiyin (yelhan, ighudan,..).

 Layenni “Aytbab n wulawen imeqqranen” d taceqlalt (agnu)

d tameqqrant nezzeh (kigan, attas,..) gher iqawsasen n wul,

bzayda igezzamen. ul yutan (yebgan, yermin,..) u netta

yettmara asqerreh n wa ay yesruh d tiqewwam (tizemmar)

weâsa ad yesfeâfeâ irezman (idammen) deg iâelqam si

tmennecelt (timetcelt, tidikelt) udar gher tmelghight, u seg

uâelqum (azwer) ameqqran gher uzazeq amezzyan (azwer) ad

yil wul-aya gher tezwer yella cca n wa rad yesqerreh

tiqewwam-nnes yenxuxan, u ammek trenni tmessumant

trenni tezwer ssyaldira ad d-iâad wul d zaglu ad yawwed

(yelkem) tafesna uhafi (anxay). Dayyi a rezzun igezzamen n

wul f wulawen d itraren, d tammeskalt iwegray-nnsen

(ammad) deg yedmaren n “ayt bab n wulawen imeqqranen”.

Tihura (tikkitin) behhzen gher wulawen n inemmitta (ineqjaf)

deg yemxixen n yebriden deg ujujen (ataras, amdeffes,

amyassad…) d ubbugnen (awwiglel, anufel, isid…) umedwalnnegh (azmez) yettwaqqar: Abhaz gher wulawen n inemmitta

deg yemxixen (tiwaghatin) n yebriden, at d asghimi d

uxennet, u mettâenni. Yyayyi ttwanghayen s tebridin d

tifakkasin nezzeh, weâsa ad ttwawin wulawen-nnsen, u ma

tennid awelli imuren yyid! U llant tebridin teyyid deffrenhent iqawsasen igezzamen n wul weâsa ad neflen “ulawen

imeqqranen” s yyid d “imezzyanen”, u laked ulawen n yemdar

(imudar). Layenni aya gher uâebber (tirmit, tazzuyt…), u

amizi-nnsent ur yuc ur yettwassin d attewwel seg yedwalaten

n tgamitt n tfekka n umdan, awelli ur trella cca s wul n

umdur, aked yedwalaten uhiyet (ahabret) negh targhemt

(ahninnet) negh d azimi negh d abhaw negh d azewwek;

ammek yella n umdur deg yedmaren n umdan agher yella zik

wul d ameqqran.

 Ticeqlalin-ayyi yefsek-ihent (yefdek, yerzem, yeldi.. .)

ugezzam n wul; qqaren-as (assagh-nnes): ”RANDEZ BATISTA”

seg unzul n ubraéil, s tikti (teyyti) d tazellaght, am teyyita

unaruz (annaz, tafult…) degga yisenneflala agzam n wubi

(abbay) n tcelwiht seg wul izewren d ugnay n wa ay

yeqqimen; ay yettedjan ul yemzi yifsis iqum (yezmer), u

wulawen n inemmitta d yemduren welli wumi; tagezzimt d

tamezzyant, layenni d tamighist. Tasella (tasghunt) n

“DISKUVER” deg wuttun-nnes aneggaru deg 1997, tessers-it

seg izumal n tujjya seg useggwas n 1996, yezrin; mda telken

seg ughir n tussna. U asentel yexs ategger amussnaw, seg

wani-s qawsas abrazili zawali (azlit) yettegg tigezzimin-nnes

iyimudan d izawaliyen am netta mferzaâen deg yiqewwaren

n Brazil imeghban; achal lkenn ur gher-sen c isiwwaden

(ttilifun) ad ttucatan i udfar n izumal-nnsen (addad) d tmussni

n wakkayen n twuriwin usemzi n wul, asen-yiga uqawsas.

Ahen reffden ulawen-nnsen imezzyanen deg yedmaren-nnsen

imugas, u ttâeddan (zerrin) d imeggenfay. Layenni lâud n

matta tteddren werni waydin? U matta n wunuden aghef

ttεeddan ? Ur yessin aked yidj (yan, iggen, yiwen, witt, wict,

iyyen,..). Abekkad d abekkad n wezlat d tgudayt tabrazilit

isiwwaden ur yettwarfaden; mwahi yya yettwarfaden d

aghzad gher yudan umaval ikakan (ifaran) d unesbaghur, ur

at-ssinen c aytiqewwaren ibraziliyen imeghban izawaliyen…

 Taceqlalt mmala tezwer u temxunbel, tetcur d akrusen;

layenni yella wa ay yeqqaren: Llan ifessiken d imanzalen:

Tafenzayt d tgawant d urlay d tlawda n tirdit; d tighawsiwin

sgenfayent ulawen, ttedjan-t-hen d imezzyanen d leghruz

(ibaraden, ihudriyen,..) ur ttixsayen ca tagezzimt s isiwwaden

negh lekkan-nnsen.

 U aked abhaz gher wulawen inemmitta negh d imdar, welli

ara xsen gher-sen. Layenni ifessiken imanzalen awwad ghersen ur yenzil c.

زر الذهاب إلى الأعلى
إغلاق