أوراس نغ

قصص وقصائد أمازيغية: تغامسا (الصحافة)

الباحث والمؤلف والمهتم باللغة والتراث الامازيغي "اسماعيل عقون"

 

INEZGAM D INIRIYEN

Tghamsa……

 Anezgum n tghamsa d anezgum d ameqqran di tmurt-nnegh ,achal

netta wa ay yeqqelen ad yaf mennawet d mennawet d yighmisen

,tinsliwin ,aked tnizriwin mmigh di tidett ay-din d akrid ,mmek

qqaren aytzik :eff si tenzert u d tayyi d tajeljalt tameqqrant ,inezgam

nezzeh min amiri.

 Yesniri-aya nezzeh mmek lligh nnigh wa ay yeqqlen gher ubaraz n

tghamsa ad t-yaf d amiraw layenni di tidett yedrus ,mattaghef aya ?

Seg wani-s ur yettirar c asutel-nnes ur yewwid c iswiyen-nnes am gher

yudan deg uswir amadlan.

 Aggenfi seg wadan ami qqaregh inezgam d iniriyen bzayda deg

umedwal-nnegh amiran ad tirar tghamsa asutel-nnes di tmetti s

uttewwez deg usili n waddur n tmurt-nnegh ahad tt-yedjen gher-s tsuli

tehla d wansa uhebber d ameqqran ma xsen tarwa-nnes.

زر الذهاب إلى الأعلى
إغلاق