أوراس نغ

قصص وقصائد أمازيغية: ثيللي 2

الباحث والمؤلف والمهتم باللغة والتراث الامازيغي "اسماعيل عقون"

 

TILELLI 02

Yemsengar ugherzul d azewwar id yidj d anessaymu, yedra jarat-sen umcati.

Anessaymu: Ad tinid d innummer a tellid a yameddukel gget-inu tufsed s

tdunt d uksum, mammek ahad awwdegh gher izumal-nnek?

Azewwar: Ad tqumed ad tafed a ufigh ma yiqada-cc ad teddred

tameddurt-inu.

Anessaymu: Mammek tetteddred cekk?!

Azewwar: D areddad (anidaf) n uxxam n bab-inu seg yimakaren a ur ad

t-adfen; ttafegh gher-s ara tcegh; yutc-aya tadunt d uksum d yeghsan;

yebbi unuzzer.

Anessaymu: Matta d izumal-aya; akkas d asunsi zdat inagzamen, d trezzut

deg yixecraf d twura isunen.

Azewwar: Ma texsed ad nemsenfal, ased, deg wansa-inu.

Anessaymu: Rligh.

Layenni zdat n wa had yugur id uzewwar asurif; yezlem deg yiri-nnes

tiâerwett ufilali, yenced-it: Acekk-aya ur ay-tennid c a

yameddukel, matta wayyi deg yiri-nnek?!

Azewwar: Tidin d tiâerwett yiga-y-tt babi-nu deg yiri weâsa ay-yeqqen

ssi-s deg wass a ur dermegh yudan, u ay-yerxa d tmeddit.

Anessaymu: Effer tieârwett-nnek i yiman-nnek a yameddukel; netc ur

relligh c ad sruhegh tilelli-inu s yighess negh d aksum negh d tadunt.

Yedj-it; u yuâa d areggwal.

زر الذهاب إلى الأعلى
إغلاق