أوراس نغ

قصص وقصائد أمازيغية: قصص وقصائد أمازيغية

الباحث والمؤلف والمهتم باللغة والتراث الامازيغي "اسماعيل عقون"

ئنزقام ذئنيرين: ينار

Aryenne

Anezgum n yennar d anezgum d ameqqran bzayda degga ay yella d

unsib di tmurt-nnegh ,achal âaden-d yudan kkw sfuglayen iss aked-yyidin

yellan zik ur xsen c ad tettwakti aked d tghawsa yettherren f tmazight

,negh ad nqum ad nini mmek qqaren aytzik :yudan f wezged yigellidennnsen aghen-yedjin tura ad nini yudan rekkhen kkw d imazighen

,layenni ay-din s yimi day-din ,rni luqq-a yerni-d yennar ay yirekkhen d

unsib ,u gher ughrif ur yelli cca d ass ani ttewwelen deg usiden-nnsen.

Yesniri-aya uxeggwi n yudan bzayda d imeqqranen yellan aked nnihni

ttun ass n usiden defren ass n tfugla xsen ad yeqqim yennar deg uswir d

mazdar ur gher-s atig ur yettili ,qqimen yudan ass-a tthemmsen ur ssinen

melmi ad-yettadef ugur-nnegh ,aya yettegg agerraw imettawen seg wanis lkenn n yudan qqaren ur nessin ca yennar ,uatt-yenghin degga tcaten

mmek qqaren aytzik :Tcaten s ugelzim d uqadum.

Tlawda d uggenfi seg waya n wadanen dira had yili uâzam umezruy d

tutlayt di tghamsa yettwarin d tta ay yettwaslayen negh yettwazrayen

seg wan-s amezruy-nneghj yetcur d tidyanin d imedruyen ;xsen wa had

iâzmen uad yesseâzem amezruy-nnegh s twila ur yeâriqen c.

ASEFRU :Yennar

amezruy ila-nnes d azegrar

yettali iheggwa jar tmizar

yexs d ighrem yexs d aqewwar

yesmektay yettutlay yeqqar

ass-a ma tettum d yennar

adeg tedra tedyant yedja umghar

cicnaq yettzimen am war

idiyemen f imesriyen s igestar

netta d bab n waddur nihni igin azwar

imazighen ixf deg ujenna am udrar

iferâan axenfuf di tmurt ssudunen dar

achal tisrayin rekkhent d tigrar

iserdasen mfrzaâen d ifusar

ani teqqeled ad tinid dtiguyar

imazighen am uterras am bab n ugmar

di tgara imesriyen am unegmar

ur tthiden ur di-sen anezmar

iferâan dlullsen imazighen di tsumma

tafukt-nnegh tegr-id f izughar

ugur imesriyen ur yewwid tisughar

netcni s yeâlawen d iâerraj laked igennar

unihni s ibidiyen d imelluda d ikucar

زر الذهاب إلى الأعلى
إغلاق