أوراس نغ

قصص وقصائد أمازيغية: يفرفر ؤذبير (طار الحمام)

الباحث والمؤلف والمهتم باللغة والتراث الامازيغي "اسماعيل عقون"

YEFFERFER UDBIR
Lligh ttetlessanegh (ttezmummugeh) iugli n ughsur, u netc ssagharegh afrag azegrar, lligh
ttetlessanegh iyireddaden n ucbar n tnizri, u netc had rgegh gher tthib n tsukt. Jar n yifassen-inu
id d azusay (awehdi) u aghella-inu ass d azegrar d amerrzu.
Yella yeqqunni deg usun (axxam) aghella n wa ay yejred iseggwasen n yizunaz yegsan
(yeggujan) werni tadawt (tiwa)-nnes, tedra u gget n wammek lligh ttaylalegh (ay-yettghil).
Lligh akkas reffdegh-t gher useffalu n waman, ssaradegh-as; ttqaltigh-as arud anejjaj d
teqmwejjett tazeqqart (taberranit), serrigh-as zaw-nnes ssetcayegh-as imi imi; ttzayadegh-t u
netta yetteffez u labas ad-ttawin ifassen-inu gher yimi-nnes ssyaldira ay-yini s ufus yegget.
Ighulad n yeghrem d yilmawen (ddelf) yudan ttsen, yus-id uqawsas, u ibehhizen hzigh-hen,
izagen, yenna: ”At d anekrafu (amelladu), welli aked usittem (asirem)”.
Amedwal (akud) yeggur s uthemmek (addehkel), gget n wa lligh ttgezzenegh.
Degga udfegh taddart (axxam), yella f tgherdin-inu, u d tameddit; mmigh ur as-yeqqim lekkan
awehher ufus; refdegh-hed (âinegh-hed) gher yidmaren-inu, qaltigh-as laktu yehlan, yella d
aleqqagh negh mmek lligh ttaylalegh, ttura (yudes) ad yefruri jar n yifassen-inu, u netc
ttsayasegh di-s nezzeh (attas, kigan,…).
D tnezzayt (tayelgi, talji,…) refdegh-t gher useffalu n waman ssirdegh-as ad tinid d ldufan
(taselmya), qaltigh-as arud d atrar d teqmwejjett d tazeqqart, srigh-as aceâbub-nnes ,sefdegh-as
tmagriwt s ufus…Wwigh-d arekti ucellef (aheffef) d tmassett ucellef; u s telses ucehhal
cellefegh-as tmart, igigh-as adus, yezmummeg yessuden tarwa-inu ikradiyen (03), imara ad iâin
(ibedd) seg useggawer (asekkiwes)-nnes amiraw… Yetmeâta f imeâtalen-nnes (aseggawer)…
Imara ad ibedd; layenni ur iqum (yezmir, yezdar…) slullefegh gher uâebbun n tsusmi. Yessired
udem-nnes uncad (aseqsi, asesten,..) d urbit; yehwa ughras-nnes yelyec; iligh tteqqelegh di-s
mmek yettkaka gher useggwas-nnes wiss tamraw (80)… Jar tmughli tettbeqqej ul d umettaw
yettrekkej tarca, yella yetmeâta gher teghmert (tasga, tama,..) n useggawer, mmek yettetmeâtay
yidj f teghrudt n umeddukel-nnes.
Tameddit, degga ad-rekkhegh (dewlegh, ughalegh…) si tnizri zzelzegh deg yimi n tmasext
(tawwurt) n tsedsayin d yizran isura…Udfegh (kecmegh), afegh-t yettcagha imezzyanen-inu s
tirarett: “Yekker udbir…Yefferfer udbir “. Ssetcegh-t s ufus-inu, imi imi; kesslegh-as isugal ay
yellan am iâuraf (icedhan, icattiwen…) d ighighayen, qqimegh s tma-nnes leycegh d magus
(ametturest). Imiqay-d uhzay d anezmar, at yettnus kitc kitc (imikk s yimikk). ttsegh s tma-nnes
id deg uzabez n yitran…gher talji (ahakak, azukzak,..) sligh i tkezkizt-nnes, beddegh am uwaglal
(amennughjef, anexjuf,..)… hebbregh ixf-nnes…Tittawin-nnes am useffalu yeghber useggen.
(asegna,..) n tmeddit…Yenxebbed am teflallast, uyedla-ya jar n yifassen…Yedra wa-idin s tlemdi.
Ssehzigh s uzghal ireggwel si tfekka-nnes, u netta jar n yifassen; agred (azi, imesli,..) d asemmad
yettwecwec-ay-d: “Yezri (yeâqeb, iâedda,..).
Rzugh (sigglegh, nudegh…) f ugred-inu tbedd-aya takut…Dira had mmektigh u ay-tettef
terjajjatt.
Yella uzzul yetcat izenzaren si tghici-nnes,U tfawett (asidd) n telji tetteqfufay zdat-i f ttjaj
(sammegh) n tettaqett(tiserzmt).Afa n tfukt yettexttuttul, u netc tthebhebegh-d di tfekka
tanessaymut ;tazat tabekbukt tettnezz seg yifassen izummen fus-inu.
Ssehziù (ferkegh) s tiwdi tmiq-ay-d…Mrugh f yiman-inu; layenni jebdeh fus-inu seg yifassennnes isemmaden. Luqq-a (imir-a, yud-u, axxul-u.. .) qaâ (geâ) aydin yegsa (yegguja, yuggug,..).
Tebbi-aya fella-s tmaghlult, iâad d tghawsa (amexxwad) ttaggwadegh fella-s seg yikedfen d
yizan.
Beddegh…U deg uzanez (ajebbid) jar n tkatert-nnes d useffalu n waman adeg nnumegh
ssaradegh-as akkas seffdegh-as amettaw… Sent (02) n tmeqqa seg ulawi (azider) d ughufi
(aghilef) d ucenneg (asfenni, tizzengert,..) Dernegh (zelgegh) ad msengaregh id n tarwa-inu (ad
mlilegh) u ancad f uqjaf (tamettant, afud,..) ay yettettesen deg usun-inu yetthejhej (yettarja)
ayyawen d izayawen, yettirar id-sen tirarett: “Yekker udbir …Yefferfer udbir …….!

زر الذهاب إلى الأعلى
إغلاق