أوراس نغ

قصص وقصائد أمازيغية

ITRI IGEDLEN

قصة مؤثرة حقيقية تدور حول حادثة أليمة راح ضحيتها أخ عزيز كان يزاول مهنة التعليم كأستاذ في الانجليزية وتصادف هذه السنة الذكرى الـ 13 لرحيله رحمه الله.

Tmudri tetcur s imedruyen, ttettesen yudan ttakin; taduyt d tayyi d
nnettat tasirt umedwal tettenned min agiyeb, ur yessin aked yidj mani
had t-ihaz wass n ugdal am yetri udaram, negh d tafukt di tmeddit
umewwan!
Innummer d alles negh d amdan ay yellan am netta am yudan,
yettendebba yettmeknas id tmudri yerzagen di tgara-yyi di tmurt n
Ttzayer aghef yuri unnaz ad teqqim t’ttett tarwa-nnes ya sayyi ya sa,
u aselmad d nnetta d ameknas ay yellan yudef amenghi ur yenzilen,
drus n wa had as-iqumen u ad ilawa ticeqlalin-nnes, bzayda di tedwilt
n wass-a ani ad-âaden yudan wa idehha deg wa, winni yettegg
timerjebin iwa ur ihemmel.
Innummer yuki yerg seg uxxam yil gher umazil-nnes, u ixf-nnes yetcur.d asittem deg ugray n wadetca yehlan nezzeh, yif idelli d wassennat
yetcuren d inezgam, am netta am yudan, ekw wa d wani at-thaz,
iberrem wass tuâa tfukt gher ugdal, aked nnetta yenna had irekkeh
gher uxxam-nnes gher usun, yeggur id ubrid ur yelli id-s lekkan Yakuc
aghennaw,layenni ammas n ubrid deg utehtah yella yettgunni-t a ur
yellin di tirdit-nnes ;tamettant ur yerwil ssi-s ur ireggwel, u ass ma
yewwed-ed welli matta had t-yuâan, mmigh tgara yessekkuzan tawyannes
yengh-it userdas s umessidu yenban.
Aselmad yeffuda mdin wussan, tawya-nnes degga tesla bbin-as izuran,
ad tinid d tagersa ad-yehwan, aytma-s d yya at-yessenen d yya atiwalan.ilin mmek llan, imeîîawen uzzelen am isaffen deg yighezran.
Tamettant d talya d izref fella-negh d aya ay yellan, layenni aytma-s d
tawya-nnes ur ad t-ttettun, ad yeqqim yedder mennaden-t zdat-sen,
tadsa-nnes, aghghunder, aqejjem, temzi, temgher, bzayda ussan yehlan.
D tayyi d taduyt tamettant tettawi wa ay yehlan mwahi afewwah
yettghima yettnuzzur kan!
Tadyant-aya, tedra ass n wacer 04
ctenber 2955z (18/09/2005) d tameddit di
teghmert n Yeghzer n taqqa.
Innummer = Ssaâid.

الباحث والمؤلف والمهتم باللغة والتراث الأمازيغي “اسماعيل عقون”

مقالات ذات صلة

زر الذهاب إلى الأعلى
إغلاق